Monday 21 November 2022

ජීවිතේ ප්‍රශ්න පත්තරේ

 අපේ ජීවිතේ දළ වශයෙන් ප්‍රධාන කොටස් 3 කට බෙදා ගන්න පුලුවන්. 

1. රැකියාව / ජීවනෝපාය ආශ්‍රිත ජීවිතය

2. පෞද්ගලික ජීවිතය

3. සමාජ ජීවිතය  



 (මේ ජීවිත 3 මෙන්න මේකයි කියලා ඉරක් ගහලා වෙන් කරල දක්වන්න බැහැ 3ම එකිනෙකට සම්බන්ධයි. නමුත් අපිට වෙනස්කම් හඳුනා ගන්න පුලුවන්... 

ඒ ඒ අවස්ථා වලදි අපි හැසිරෙන විදිය, ඒ ඒ අවස්ථා වල අපිට ඕනි කරන දැනුම, කුසලතා වල වෙනස්කම් වගේ දේවල්)

 

ඉතින් අපේ ජීවිත කාලෙන් සැලකිය යුතු කාලයක් මේ එක එක කොටස් වල අපි ගත කරනව. 

 ඉතින් ඒ එක එක කාලය වඩාත් හොඳින් (අපේ දැනුමේ තරමට) ගත කරන්නයි හැමෝටම අවශ්‍ය වෙන්නෙ. 

ගොඩක් වෙලාවට මේ අවස්ථා 3ම සාර්ථක, යහපත් වෙන්නෙ නෑ හැමෝගෙම.. 

එක්කො පෞද්ගලික ජීවිතේ අවුල් වෙලා, එහෙම නැත්නම් රැකියාවෙ ප්‍රශ්න.. එහෙමත් නැත්නම් යාලුවො එහෙම කවුරුත් නෑ... ඔය වගේ නානාප්‍රකාර ප්‍රශ්න වලින් පිරුනු ජීවිතයක් තමයි ගොඩක් වෙලාවට ගොඩක් අයට ගත කරන්න වෙලා තියෙන්නෙ. 

ජීවිතේදී වැදගත් වෙන්නෙ ප්‍රශ්න නැති වෙන එක හෝ ප්‍රශ්න මඟ අරින එක නෙමෙයි.. ඒ ප්‍රශ්න වලට අපි කොහොමද මුහුණ දෙන්නෙ, ප්‍රතිචාර, ප්‍රතික්‍රියා දක්වන්නෙ කොහොමද කියන එකයි. 

එකම දේ උනත් විවිධ පුද්ගලයො වෙනස් වෙනස් ආකාර වලින් ප්‍රතිචාර ප්‍රතික්‍රියා දක්වන්න පුලුවන්..

 


 

 මෙන්න මේ ජීවිතේ  කියන ප්‍රශ්න පත්තරේ ට අපි උත්තර දෙන විදිය අනුව අපේ ජීවිතේ සාර්ථකද නැද්ද තෘප්තිමත් ද නැද්ද හොඳින් ගත කලා ද නැද්ද කියලා අපිටම  අදහසක් ගන්න පුලුවන්...

 ඉගෙන ගන්නවා කියන්නෙ මේ ජීවිතේ ප්‍රශ්න පත්තරේට මුහුණ දෙන්න පුරුදු පුහුණු වෙනවා කියන එක නේද? 


මං සහ මඟ