කෙසේ නමුත් දැනගෙන වලේ වැටෙන්න

Game of Thrones කතා මාලාව ඔයා බලලා තියෙනවද? 

 

ඒකේ බලන්නකො අපි හැමෝම බලන්නෙ ඒකෙ 

ඉන්න ප්‍රධාන චරිතය ටික ගැන..

 

රජවරු, රුජිනියන්, සහ ඔවුන් අවට ඉන්න යම්කිසි

 සමාජ දේශපාලන ආර්ථික බලයක් තියෙන අය තමයි කැපිලා පේන්නෙ. 

 

එතකොට කතාවෙ හැබැයි බහුතරයක් ඉන්නෙ

 සාමාන්‍ය මිනිස්සු, සෙබලු වගේ අය.

 

මේ කතාවෙ ප්‍රධාන දෙයක් තමයි යුද්ධ. 

මේ යුද්ධ වලදි සාමාන්‍ය මිනිස්සු, සෙබලු 

ඕනි තරම් තුවාල වෙනවා, මැරෙනවා 

අපිට ප්‍රශ්නයක් නෑ නේද? 

 

ඒ වගේම යුද්ධ පටන් ගන්න; කතාවේ ප්‍රධාන චරිත වලට , 

 මැරෙන තුවාල වෙන මිනිස්සු ගැන දුකක් එහෙම තියෙනවද? එයාලට  ප්‍රශ්නයක් නෑ නේද?  

  

අන්න ඕකම තමයි අපි ජීවත් වෙන ලෝකෙත් වෙන්නෙ. 

 

දේශපාලනික, ආර්ථික Game වල ගොදුරු වෙන්නෙ බහුතරයක් සාමාන්‍ය මිනිස්සු. ආර්ථික, සමාජ දේශපාන බලයක් නැති මිනිස්සු. 

 

හැබැයි බලය තියෙන සහ බලය  ඉල්ලන, සල්ලි තියෙන මිනිස්සුන්ට ඒක අදාල නෑ. 

 

ලංකාවෙත් එහෙම නෙමේද? 

රෝහල් වල බෙහෙත් නෑ අවශ්‍ය දේවල් නෑ..

සෑහෙන මිනිස්සු ප්‍රමාණෙකට හරියට කන්න බොන්න නෑ..

ළමයිට හරියට ඉගෙන ගන්න නෑ…

 

 

හැබැයි සල්ලි තියෙන මිනිස්සුට, මේ ප්‍රශ්න අදාළ නෑ නේද? දොස්තරලට, නීතීඥයන්ට, දේශපාඥ්නයන්ට එහෙම..

 

 ---------------------------------------------------------------------------

 

 

හැබැයි මෙහෙම දේකුත් තියෙනවා..

 

පළවෙනි එක තමයි. මිනිස්සුන්ට අවිඥානයක් තියෙනවා.

 දැනට තියෙන දත්ත අනුව මිනිස්සු අවිඥානිකව තමයි

ගොඩක් වෙලාවට (90%ක් තරම් වෙලාවට) වැඩ කරන්නෙ. (1), (2) 

 

ඉතින් එතකොට

හොයල බැලුවොත් අපිට දැන ගන්න පුලුවන් රටේ, ලෝකේ ගොඩක් පෝසත් වෙලා හෝ බලය ලබාගෙන හෝ සමාජයේ කැපිලා පේන වගේ  ඉන්න අයගෙන් ගොඩක් අය පොඩිකාලෙ දුප්පත් අය, වෙනත් පීඩාකාරී මානසික තත්ව වල හිටපු අය.

 

එයාලා පොඩි කාලෙ ලැබුණ ඒ මානසික කටුක බව, පීඩනය නැති කරගන්න පුලුවන් තරම් සල්ලි හොයනවා සමහර අය බලය හොයනවා…

 

අහල ඇති නෙහ් අරයා පාර්ලිමේන්තුවට ආවෙ පුට්බයිසිකලෙන්, අරයා මාල හොරකම් කරා කියලා ඒත් දැන් මෙහෙමයි කියලා… අන්න ඒ වගේ…

 

එතකොට මහින්ද රාජපක්ෂ ඇතුලු ලංකාවෙ ගොඩක් දේශපාලකයෝ එහෙම මානසික තත්ව වල ඉන්න අය. ඉතින් ඒ මානසික ප්‍රශ්න වල ප්‍රතිවිපාක විඳින්න වෙන්නෙත් සාමාන්‍ය මිනිස්සුන්ටමයි.

 

මේ වගේ  දේශපාලකයන්ගෙ පෞද්ගලික දේවල්, මානසික තත්ව වගේ ගොඩක් දේවල් තියෙනවා,  ඒවා අපි නොහිතන  ගොඩක් විදි වලට අපේ ජීවිත වලට වගේම අනාගත පරම්පරා වලටත් බලපානවා…

 

 

( හැබැයි දියුනු මිනිස්සු තමන්ට එහෙම ප්‍රශ්නයක් තියෙන බව දැනුවත්.. ඒ වගේම ඒක පිලිගන්නවා..

මේ චමත් පලිහපිටිය - මෙතන 39 මිනිත්තුවෙ වගේ ඉදලා 43 මිනිත්තුව වගේ වෙනකම් අහලා බලන්න.

 

https://youtu.be/PMotykw0SIk?t=2375 

)

 

(මම දන්න විදියට මිනිස්සුන්ට අවිඥානයක් තියෙන එක ගැන ලංකාවෙදි දේශපාලනිකව මුලින්ම කතා කරේ. දීප්ති කුමාර ගුණරත්න 

)

 

—-----------------------------------------------------------------------

දෙවෙනි එක තමයි ගොඩක් වෙලාවට අපිට තම තමන්ව පාලනය කරගන්න බෑ 

 

Inside out movie එක බලලා තියෙනව නම් ඒකෙත් තියෙනවා මේ වගේම අදහසක්. මොලේ ඇතුලෙන් තමයි අපිව, අපේ හැඟීම් පවා පාලනය වෙන්නෙ.

 

 

හෝමෝන, එතකොට කලින් කියපු අවිඥානය වගේ ගොඩක් දේවල් බලපානවා අපි කරන කියන හිතන දේවල් පාලනය වෙන්න.

------------------------------------------------------------

 

තුන්වෙනි එක තමයි මිනිස්සු හැමෝටම තම තමන්ගෙම ප්‍රශ්න තියෙනවනෙ. ඒ ටික විසඳගන්න තමයි හැමෝම දඟලන්නෙ.

 

ඉතින් එතකොට මනුස්සයො හැටියට අපිට, තමන්ගේ සහ ළඟම අයගේ හැර අනිත් මිනිස්සුගෙ ප්‍රශ්න හෝ දේවල් අදාළ නෑ නෙහ් ඇත්තටම.. 

  

 ------------------------------------------------------------

  

ඉතින් බලය තියෙන අයටත් මේ කරනු  3 අදාළයි. බලය ගන්න කලින් කරන කියන දේ නෙමෙයි ගත්තට පස්සෙ වෙන්නෙ.

 

මට කියන්න තියෙන්නෙ මෙච්චරයි. ලංකාවෙත් බලය(දේශපාලන, ආර්ථික, සමාජීය) තියෙන, ඉල්ලන ඕනිම කෙනෙක් ඔච්චරම තමයි. නැවතත් කියනවා ඕනිම කෙනෙක්..

  

ඉතින් ඔයාලා මේ පාර වලේ වැටෙනකොට දැනගෙන වැටෙන්න…